SHKODER- Një tjetër vatër zjarri është shfaqur në Malësine e Madhe. Bëhet fjalë për flakë masive në zonën e pyllëzimit të ri të Postopojës në komunën e Shkrelit. Me dhjetra hektarë tokë e pyllëzuar me bimë heterovajore të 20 vjeçarit të fundit janë përfshirë nga flakët. Drejt zonës kanë shkuar forca të ndërhyrjes kundër zjarrit nga qyteti i Shkodrës në ndihmë të MKZ-së së Malësisë së Madhe. Gjithashtu në shuarjen e flakëve janë angazhuar dhe forcat e rendit, të ndërhyrjes së shpejtë dhe popullata e zonës. Nuk ka patur rrezik në zona të banuara, megjithatë u punua në lokalizimin e zjarrit, dhe në shuarjen e tij. Aktualisht raportohet që vatra aktive nuk ka. Ndërsa nuk dihen ende shkaqet e zjarrit, si dhe dëmi i shkaktuar. Nuk përjashtohet shkaku i pakujdesisë së banorëve, të cilët në këtë periudhë djegin sipërfaqet e tokës pas korrjes së të mbjellave. Ky është rasti i dytë emergjent në Malësinë e madhe, ku dy ditë më parë një tjetër zjarr I madh ra në fshatin Grizhë, duke rrezikuar dhe banesat e fshatarëve të kësaj zone.
(a.r/news24/balkanweb)