PEKIN- Atleti kinez Liu Xiang është tërhequr nga gara e 110 metrave me pengesa, pas një dëmtimi në këmbë të pësuar një muaj më parë. Ai është atleti më i famshëm kinez dhe sportisti më i adhuruar në Pekin pas Jao Ming, por nuk do të marrë pjesë në garën ku ishte favorit. Kampion në fuqi në këtë disiplinë, ai braktisi garën që në pengesën e parë, ndonëse gjithçka u anulua për shkak të një nisje të gabuar. Liu u fut më pas në dhomat e zhveshjes, duke lënë të shokuar tifozët e pranishëm në stadiumin Foleja e Zogut. Në Athinë 2004, ai u bë atleti i parë kinez që fitonte një medalje ari në këtë disiplinë. Përpara tij, një tjetër pretendent për këtë garë, Terens Tremell, u tërhoq për shkak të një problemi muskulor.
(a.r/balkanweb)