Barcelona ka prezantuar blerjen e dytë për këtë sezon, që është mbrojtësi brazilian Daniel Alvesh. Klubi katalanas ka paguar 29 milionë euro për anësorin 25 vjeçar të Seviljes, që konsiderohet si një nga më të mirët në botë në rolin e tij. “Kemi marrë lojtarin më të mirë në botë në këtë pozicion, një mbrojtës që i pëlqen edhe të sulmojë”, deklaroi drejtori sportiv Çiki Begirishtajn. Alvesh ka luajtur për pesë sezone e gjysmë te Sevilja, duke u kthyer në një lojtar tepër të rëndësishëm të saj. “Unë jam një person shumë ambicioz dhe dua të arrij gjëra të rëndësishme këtu. Jam i sigurtë se kam arritur në klubin më të mirë”, deklaroi Alvesh. Braziliani është blerja e dytë e katalanasve për këtë sezon pas mesfushorit Sejdu Keita. I vetmi largim nga Barcelona deri tani, është ai i brazilianit Deko. (a.r-news24/balkanweb)