Agolli: “Jam gati për të dhënë kontributin tim”

Ansi Agolli është një ndër të preferuarit e trajnerit Ari Han, i cili qysh kur e pa në grumbullimin e Turqisë në janar të këtij viti, gjithmonë e ka pasur në listën e tij. Edhe Brigel e ka pasur në vëmendje lojtarin e Tiranës, por që ka dhe një të kaluar në Zvicër e Finlandë. »»

Hamilton, sot niset i pari

20.07.2008 18:02 Sport - Burimi: SOT Sport

Britaniku Levis Hamilton e ka dërguar McLarenin në pol-pozicion e parë për garën e radhës në Formula 1, atë të Çmimit të Madh të Gjermanisë. 23-vjeçari do ta ndajë rendin e parë së bashku me pilotin e Ferrarit, Felipe Massa, i cili arriti kohën e dytë më të shpejtë në kualifikimet e sotme. Piloti tjetër i McLarenit, Heikki Kovalainen, do të fillojë nga vendi i tretë, derisa italiani Jarno Trulli, do të jetë në vendin e katërt me Toyotan e tij. Raikkonen, i cili ka filluar nga vendi i parë e Hockenheim-it për McLarenin në vitet 2005 dhe 2006, këtë vit do të niset nga pozicioni i katërt me Ferrarin.Kjo është hera e tretë që Hamilton do të niset nga vendi i parë gjatë këtij sezoni, ndërsa e nënta në 27 paraqitje të tij në Formula 1. Hamilton, Massa dhe Raikkonen, në listën e pilotëve, që të tre kryesojnë me pikë të barabarta, nga 48 secili. Ndërkaq, britaniku do të synojë të arrijë fitoren e dytë radhazi pas asaj që arriti në Angli dhe këtë kërkon ta përsërisë në Gjermani.

Artikullin origjinal mund ta lexoni ketu

lajme.parajsa.com