TIRANE- Kombëtarja shqiptare luan sot në mbrëmje në orën 20.45 ndeshjen e dytë nën drejtimin e trajnerit Ari Han. Kuqezinjtë do të zbresin në tapetin e stadiumit Qemal Stafa kundër Litenshtejnit, në një ndeshje që është testi i fundit përpara fillimit të eleminatoreve të kampionatit botëror. Kombëtarja ka zhvilluar vetëm një seancë stërvitore për këtë takim, që gjithsesi nuk konsiderohet i rëndësishëm përsa i përket rezultatit. Përsa i përket formacionit, ai pritet të përbëhet nga Beqaj në portë, Curri, Lila, Dallku e Vangjeli në mbrojtje, ndërsa në mesfushë pritet të jenë 5 futbollistë, Cana, Lala, Skela, Duro dhe Hyka. Në sulm, trajneri holandez pritet të vendosë të vetëm Hamdi Salihin. Shqipëria do ta aventurën e Botërorit 2010 me ndeshjen kundër Suedisë më 6 shtator në Tiranë.
(a.r/balkanweb)