Pekin 2008, tregu i zi i shtrenjton dhjetëfish biletat

17.08.2008 17:34 Sport - Burimi: SHQIP Sport

Biletat olimpike për të ndjekur Olimpiadën e Pekinit përfundojnë në tregun e zi, ku po shiten nga spekulatorët me dhjetëfishin e çmimit të tyre fillestar. Tregu i zi i biletave ka lulëzuar fuqishëm në rrugët e Pekinit e sidomos në afërsi të stadiumit olimpik ku po zhvillohen edhe garat më të rëndësishme në këtë olimpiadë. Sipas një agjencie kineze lajmesh, nuk janë vetëm kinezët të përfshirë në këtë tregti të zezë, por edhe shtetas evropianë, të cilët po përfitojnë në mënyrën më të keqe të mundshme. Kjo tregti po zhvillohet përpara syve të policëve, të cilët nuk po e ndalin këtë tregti të dëmshme për shitësit e rregullt. "Polica është për të vënë rregull, por edhe për të hedhur sytë se çfarë po ndodh me biletat e paligjshme", u shpreh Zhou Haixin, një shitës i rregullt i biletave të Lojërave Olimpike. Shuma për përfituesit në tregun e rrugës është me të vërtetë shumë e madhe, pasi ata përfitojnë 10-fish më shumë se në tregun normal të Pekinit. Biletat më të mëdha në treg janë blerë për të parë gjigantin amerikan të notit, Majkëll Felps. Dje në tregun e zi të Pekinit biletat shiteshin me nga 4 mijë jenë, vlerë e përafërt me 480 dollarë dhe çmimi i vërtetë i një bilete olimpike mesatarja ka arritur te 150 jen si çmim fillestar. Sipas parashikuesve të këtij tregu, një biletë në tregun e zi do të shkojë edhe deri në 5 mijë jen, pasi në stadiumin plimpik do të garojë ikona e sportit kinez, Liu Xiang, në not. Organizatorët deklaruan se biletat janë shitur që përpara fillimit të Lojërave Olimpike, por që realisht në shumë gara ka pasur vende të lira në stadiume dhe për këtë arsye biletat kanë përfunduar në tregun e zi dhe po shiten me një çmim marramendës. Sipas agjencisë kineze "Xinhua", deri tani, në tregun e zi, janë shitur më shumë se 340 bileta. Një polic në Pekin, që nuk pranon të identifikohet, deklaroi se një qytetar gjerman i kishte ofruar atij disa bileta që varionin me çmim 10 deri në 24 herë më të lartë se ai fillestar i një bilete olimpike. Blerësit e biletave në tregun e zi janë kryesisht të sporteve të notit, atletikës, tenisit, futbollit e boksit.

Artikullin origjinal mund ta lexoni ketu

lajme.parajsa.com