Kampionati spanjoll, Barcelona mposht 3-1 Seviljen

NgaAltin Latifi Barcelona vazhdon të shkëlqejë në kampionat, duke fituar edhe në fushën e vështirë të Seviljes. Java e 13-të e kampionatit spanjoll ka sjellë një tjetër humbje për Realin e Madridit, që tashmë ndodhet 6 pikë larg kreut të renditjes. »»

Shqipëri-Greqi, sot vetëm për fitore

20.08.2008 14:03 Sport - Burimi: SHQIP Sport

Elbasani dhe stadiumi "Ruzhdi Bizhuta" hapin sot dyert për të pritur Shqipëri-Greqi, ndeshjen e shumëpritur për shumë e shumë arsye, mes dy përfaqësueseve U-21, e vlefshme për eliminatoret e kampionatit Europian 2009. Ndeshja ishte programuar për t‘u luajtur në muajin mars, por pezullimi i Shqipërisë nga FIFA dhe UEFA e shtyu për sot. Trajneri Artan Bushati nuk kërkon asgjë më pak se fitorja, që do ta fuste në lojë në vendin e tretë edhe Shqipërinë (10 pikë), e cila do të shënonte edhe një rekord pikësh të grumbulluara. Por edhe për grekët (13 pikë), kjo ndeshje është e rëndësishme, pasi nëse munden, humbasin mundësinë për t‘u kualifikuar. Trajneri Bushati do të duhet t‘i bëjë llogaritë pa një pjesë të mirë të lojtarëve më të rëndësishëm të Shpresës në vitet e fundit, Hykën, Lilën dhe Bakajn, të cilët janë grumbulluar nga trajneri Han për ndeshjen me Lihtenshtejnin. Ndërsa në kampin tjetër do të mungojnë dy shqiptarët e helenizuar, Nini (me Kombëtaren greke) e Dhimuço.

Artikullin origjinal mund ta lexoni ketu

lajme.parajsa.com