Të shtunën luhen ndeshjet e javës së dytë të Supeligës në futboll, ku vetëm tre takime janë parashikuar për ditën e shtunë. Kampionët e Dinamos do të luajnë përsëri në fushën e tyre dhe këtë herë përball tyre do të jetë skuadra e cila kryeson superligën Shkumbini. Në Ballsh vendasit e Bylisit të sapongjitur në kategorinë superiore do të kërkojnë të bëjnë një paraqitje të mirë ndaj skuadrës së Besës. Ndeshja e trete në program për ditën e shtunë është ajo mes Teutës dhe Tiranës, e cila do të luhet në Durrës, ku të dyja skuadrat pas barazimeve në javën e parë do të kërkojnë fitoren. Ndërsa ditën e djelë janë parashikuar të luhen tre takime të tjera ku në Vlorë do të ndeshet Flamurtari me Elbasanin ku vendasit do të vazhdojnë të kërkojnë serinë e fitoreve pas javës së parë. Në Fier vendasit e Apolonisë do të luajnë ndaj Lushnjes e cila kërkon rezultat pozitiv pas humbjes së parë në fushën e vet. Ndërsa në kryeqytet do të luhet supersfida e kësaj jave Partizani Vllaznia.  
(a.r/news24/balkanweb)